Friday, February 10, 2012

യുവരാജ് സിങ്ങിനും അറം പറ്റിയോ?

കാവ്യ കലാ സൃഷ്ടികളില്‍ പ്രയോഗിക്കുന്ന അശുഭവചനം പില്കാലത്ത് യാഥാർഥ്യമായിത്തീരുന്നതിനെയാണ് അറം എന്നു പറയുന്നത്. അറം പറ്റുക എന്നും പറഞ്ഞു കേള്‍ക്കാറുണ്ട്. ഇക്കാലത്ത് പറയുകയാണെങ്കില്‍ സിനിമയിലും സീരിയലിലും പരസ്യ ചിത്രങ്ങളിലും കഥാപാത്രങ്ങളുടെ വാക്കുകളായി പ്രയോഗിക്കുന്ന അശുഭവചനങ്ങൾ അഭിനേതാവ് തന്നെക്കുറിച്ചുപറയുന്ന വാക്കുകളെന്നോണം പിന്നീട് അയാളുടെ ജീവിതാനുഭവമായിത്തീർന്നു എന്ന
വിശ്വാസമാണ് ഈ വാദത്തിനടിസ്ഥാനം. ഉണ്ണായിവാര്യരുടെ തറവാട് അന്യംനിന്നുവെന്നു പറയപ്പെട്ടതും കോട്ടയത്തുതമ്പുരാൻ ടിപ്പുസുൽത്താന്റെ ആക്രമണവേളയിൽ രാജ്യംവിട്ട് കാട്ടിലേക്കു പോകേണ്ടിവന്നതും അറത്തിന് ഉദാഹരണമായി ചൂണ്ടിക്കാണിക്കപ്പെടുന്നു.

നമ്മുടെ ക്രിക്കറ്റിലെ താരം യുവരാജ് സിങ്ങിനും സംഭവിച്ചത് അത് തന്നെയാണോ എന്ന് നാം സംശയിക്കേണ്ടിയിരിക്കുന്നു. നല്ല രീതിയില്‍ ക്രിക്കറ്റ് കളിച്ചു നടന്നിരുന്ന യുവിയുടെ ജീവിതത്തിലും ഒരു പ്രശ്നവും ഉണ്ടായിരുന്നില്ല. പരസ്യ ചിത്രത്തില്‍ അദ്ദേഹം പറയുന്ന പോലെ നല്ല ആരോഗ്യം ഉള്ളപ്പോള്‍ ആരും പണം സൂക്ഷിക്കുന്നതിനെ പറ്റിയോ എന്തെങ്കിലും രോഗം വന്നാല്‍ ഉള്ള അവസ്ഥയെ പറ്റിയോ ചിന്തിക്കാറില്ല.

"ജീവിതത്തില്‍ എല്ലാവര്ക്കും അധ്വാനിക്കേണ്ടി വരും. നിങ്ങള്‍ രാവിലെ എണീറ്റ്‌ ഓഫീസിലേക്ക് ഓടുന്നു. ഞാനും രാവിലെ പ്രാക്ടീസ് ചെയ്യാനായി ട്രാക്കിലേക്ക്. വര്‍ഷങ്ങള്‍ കാത്തിരുന്നു ഒരിക്കല്‍ക്കൂടി നമുക്ക് വേള്‍ഡ് കപ്പ്‌ കിട്ടി. ഞാന്‍ മാന്‍ ഓഫ് ദി ടൂര്‍ണമെന്റും ആയി. പിന്നെ വിചാരിച്ചു എല്ലാം സെറ്റ് ആയി എന്ന്. എന്നാല്‍ ജീവിതത്തിലും ചിലപ്പോള്‍ പ്രതീക്ഷിക്കാത്തത് സംഭവിക്കും. ആഘോഷം എല്ലാം അകലത്തുള്ള വിഷയമാണ് രോഗം വന്നാല്‍ ടീമിന് പുറത്ത്. പിന്നെയും അത് തന്നെ.. ബാറ്റ് ചലിക്കുന്നിടത്തോളം ഹീറോ.. ബാറ്റ് ചലിക്കാതെ ആയാലോ.." പരസ്യ ചിത്രത്തില്‍ അദ്ദേഹം പറഞ്ഞ പോലെ രോഗിയായപ്പോള്‍ ടീമിന് പുറത്ത്..


ഈശ്വരന്‍ അദ്ധേഹത്തിന്റെ രോഗം ഭേദമാക്കട്ടെ എന്ന് പ്രാര്‍ഥിച്ചുകൊണ്ട്...

1 comment:

  1. Yuvraj tweeted..

    http://timesofindia.indiatimes.com/sports/cricket/top-stories/Recovering-Yuvraj-Singh-posts-bald-pic-on-Twitter/articleshow/11833810.cms

    ReplyDelete

Movie Rating

Velipadinte Pustam Movie rating