Monday, August 9, 2010

അമേരിക്കയിലെ വേദ പട്ടണം



ഡോക്ടര്‍ ഗില്ലിന്റെ വാക്കുകളില്‍ പറഞ്ഞാല്‍ അമേരിക്ക ഇന്ത്യക്ക് കയറ്റുമതി ചെയ്തത് McDonalds ആണെങ്കില്‍ ഇന്ത്യ അമേരിക്കക്ക് കയറ്റുമതി ചെയ്തത് വേദമാണ് (അറിവാണ്).

അയോവയിലെ എയിംസ് പട്ടണത്തില്‍ നിന്ന് st. Louis ലേക്കുള്ള മടക്ക യാത്രയില്‍ ഏകദേശം 160 മയില്‍ അകലെയുള്ള ഒരു പട്ടണം ആണ് മഹര്‍ഷി വേദിക് സിറ്റി. 2001- ലാണ് മഹര്‍ഷി വേദിക് സിറ്റി Iowa സംസ്ഥാനത്ത് ഔദ്യോഗികമായി ഉള്‍പ്പെടുത്തിയത്. തികച്ചും വേദ സംസ്കാരം പുലര്‍ത്തുന്ന ഒരു സിറ്റി ആണ് മഹര്‍ഷി വേദിക് സിറ്റി, അയോവ.

യാത്രമദ്ധ്യേ വേദിക് സിറ്റി കാണാനുള്ള ഭാഗ്യം ഒരു ദൈവാനുഗ്രഹമാണ്. ഗൂഗിള്‍ മാപ്പിനെ പിന്തുടര്‍ന്ന് വേദിക് സിറ്റിയുടെ മധ്യത്തില്‍ എത്തിയപ്പോള്‍ കണ്ട capitol എന്ന സ്ഥപത്യ വേദ മാതൃകയില്‍ നിര്‍മ്മിച്ച കെട്ടിടത്തിന്റെ അകത്തേക്ക് കടക്കാനായി നില്‍ക്കുമ്പോള്‍ ഒരു സായിപ്പ് അകത്തേയ്ക്ക് വരാന്‍ സ്വാഗതം ചെയ്തു. ശ്രീ ശങ്കരന്റെ നാട്ടില്‍ നിന്നും വന്ന ഞാന്‍ സ്വല്പം അഭിമാനത്തോടെ പറഞ്ഞു കേരളത്തില്‍ നിന്നാണ്.

തികച്ചും സസ്യാഹാരം മാത്രം കഴിക്കുന്ന ഒരു പട്ടണവാസികളാണ് വേദിക് പട്ടണത്തിന്റെ പ്രത്യോകത. എല്ലാ കെട്ടിടങ്ങളും സ്ഥപത്യ വേദ മാതൃകയിലും. തികച്ചും പോസിറ്റീവ് എനര്‍ജി തങ്ങി നില്‍ക്കുന്ന ഒരു പട്ടണം.

കഴിക്കാന്‍ സസ്യാഹാരവും പാനീയവും നല്‍കി ഡോക്ടര്‍ ഗില്‍ നഗരം കാണാന്‍ ആയി ക്ഷണിച്ചു. അദ്ദേഹത്തിന്റെ കൂടെ മഹര്‍ഷി പട്ടണം കാണാന്‍ പോയി. ആദ്യമായി കണ്ടത് 1000 ബ്രാഹ്മണര്‍ താമസിച്ചു അഭിഷേകവും ഹോമവും പൂജയും നിര്‍വഹിക്കുന്ന മണ്ഡപങ്ങള്‍ ആണ്. ഇന്ത്യയില്‍ നിന്നും വന്ന ബ്രാഹ്മണര്‍ ലോക നന്മക്കായി ദിവസവും വേദ മന്ത്രങ്ങള്‍ ഉരുവിടുന്ന ആ മണ്ഡപങ്ങള്‍ ആ പട്ടണത്തെ തന്നെ പോസിറ്റീവ് എനര്‍ജിയുള്ളതാക്കുന്നു.

വേദ പട്ടണത്തിലെ എല്ലാ കെട്ടിടങ്ങളും വാസ്തു പരമായി പണിതിട്ടുള്ളവയാണ്. വിദ്യാലയങ്ങളും കലാലയങ്ങളും കായിക പരിശീലനവും എല്ലാം വേദിക് പട്ടണത്തില്‍ ഉണ്ട്. സസ്യാഹാരം മാത്രം ലഭിക്കുന ഹോട്ടലുകള്‍, വിമാനത്താവളം, ആയുര്‍വേദ ആശുപത്രി ഇവയെല്ലാം ഈ പട്ടണത്തില്‍ ഉണ്ട്.

നാം നമ്മുടെ സംസ്കാരത്തെ തള്ളിപ്പറയുമ്പോള്‍ അത് സംരക്ഷിക്കാന്‍ പാടുപെടുന്ന വെള്ളക്കാരെയാണ് അവിടെ കാണാന്‍ കഴിഞ്ഞത്.

14 comments:

  1. ആധ്യാത്മികതയുടെ അടിസ്ഥാനം അവിടുണ്ട് എങ്കില്‍ ഇനി വീട് പണി തുടങ്ങാം ...അല്ലെ? നല്ലത് . വളരെ ഭാഗ്യമായ കാര്യം.

    ReplyDelete
  2. Radheesh and GR Thanks for visiting this blog...

    http://en.wikipedia.org/wiki/Maharishi_Vedic_City,_Iowa

    http://www.maharishivediccity.com/

    ReplyDelete
  3. Thanks for the info Jayakumar also you should have added the comment from the Sayippu ..India got everything but we dont have a proper system "

    ReplyDelete
  4. ലോക നന്‍മക്കായി അമേരിക്കന്‍മാരും വേദം ചൊല്ലിത്തുടങ്ങിയോ....! ഈ പോസ്സിറ്റീവ് എനര്‍ജി എന്ന് ഉദ്ദേശിച്ചത് എന്താണെന്ന് മനസ്സിലായില്ല. ഭൗതികശാസ്ത്രത്തില്‍ വികര്‍ഷണമാണ് പോസ്സിറ്റീവ്......!!!
    ഇന്നലെച്ചെയ്തോരബദ്ധം
    ഇന്നേക്കൊരാചാരമാവാം
    നാളത്തെ ശാസ്ത്രമതാവാം.....!!!!!

    ReplyDelete
  5. ഇത്തരം ഉഡായിപ്പുകളൊക്കെ നന്നായി ചെലവാകുന്ന സ്ഥലമാണെന്ന് തോന്നുന്നു ഈ അമേരിക്ക . പണ്ട് ഓഷോ തന്റെ സാമ്രാജ്യം സ്ഥാപിച്ചതും ഇന്ത്യയിലെ തന്നെ നിരവധി ആള്‍ദൈവ വേഷങ്ങളും ഇടയ്ക്കിടെ പോകുന്നതും അമേരിക്കയിലേക്ക് തന്നെ. ഇന്നാളു പിടിക്കപ്പെട്ട നിത്യാനന്ദയ്ക്ക് തന്നെ മെയിന്‍ഫണ്ട് വരവ് അമേരിക്കയില്‍ നിന്നായിരുന്നു.
    എന്തായാലും ആയിരം ബ്രാഹ്മണര്‍ക്ക് ഉപജീവന മാര്‍ഗമായല്ലോ... (മനുഷ്യരെ പറ്റിച്ച് ) :-)

    ReplyDelete
  6. നമ്മുടെ മഹര്‍ഷിമാര്‍ രൂപകല്പന ചെയ്ത യോഗ ഇന്ന് ആഗോള തലത്തില്‍ പ്രസിദ്ധി നേടിയിരിക്കുകയാണ്. നമ്മുടെ സംസ്കാരങ്ങള്‍ തള്ളിപ്പറയുകയും വെസ്റ്റേണ്‍ ജീവിതരീതി സ്വീകരിക്കുകയും ചെയ്യുമ്പോള്‍, വിദേശികള്‍ നമ്മുടെ സംസ്കാരം നല്ലതെന്ന് കണ്ടു അതിനെ പിന്തുടരുന്നു. ചിത്രഭാനുവും, ബിജു ചന്ദ്രനും കൂപമണ്ടൂക മാവാതെ വിഷയങ്ങളെ പഠിച്ചു മനസ്സിലാക്കാനുള്ള ശ്രമമാണ് നടത്തേണ്ടത്. ആള്‍ ദൈവങ്ങളെ ആരും പ്രോത്സാഹിപ്പിക്കുന്നില്ല. അമേരിക്കയില്‍ ടെക്നോളജി ഉണ്ട് എന്നാലും ഒരു നല്ല ജീവിതചര്യ ഇല്ല. അതിനായിട്ടാണ് അവര്‍ ഇന്ത്യയിലേക്ക്‌ ഉറ്റു നോക്കുന്നത്.

    ചിത്രഭാനു, ബിജു ചന്ദ്രന്‍ സന്ദര്‍ശനങ്ങള്‍ക്ക്‌ നന്ദി.

    ReplyDelete
  7. അമേരിക്കയിലെ വെള്ളാക്കാര്‍ക്കിടയിലും ഇത്രമാത്രം ബുദ്ധി ദാരിദ്ര്യമുള്ളവരുണ്ടെന്നത് രസകരമായ അറിവുതന്നെ...!!!
    അറിവുകള്‍ക്ക് നന്ദി.ആശംസകള്‍ സുഹൃത്തെ.

    ReplyDelete
  8. ബുദ്ധി ദാരിദ്രം അമേരിക്കയിലാണോ അതോ ഇന്ത്യയിലാണോ എന്നാണു ഇപ്പോള്‍ സംശയിക്കുന്നത്. വേദിക് സിറ്റിയില്‍ കോളേജുകളില്‍ പ്രധാനമായും മെഡിറ്റെഷനും യോഗയും ആണ് പരിശീലിപ്പിക്കുന്നത് ആധുനിക വിദ്യാഭ്യാസത്തോടൊപ്പം . കുട്ടികളുടെ ശാരീരിക മാനസിക ആരോഗ്യത്തിനു യോഗ അനിവാര്യമാണെന്ന് ലോകം തന്നെ അംഗീകരിച്ച വസ്തുതയാണ്. സംസ്കാരത്തെ തള്ളിപ്പറയുക ഒരു ചര്യയായ മലയാളിക്ക് ഇതിലൊന്നും ഒരു അര്‍ത്ഥവും തോന്നില്ലല്ലോ?

    ചിത്രകാര ഇത് വഴി വന്നതില്‍ സന്തോഷം...

    ReplyDelete
  9. എന്തിനേയും ഏതിനേയും സംശയത്തോടെ നോക്കുകയും തള്ളിപ്പറയുകയും ചെയ്യുന്നതു മലയാളിയുടെ ഇടയില്‍ സാധാരണമാണല്ലൊ. എപ്പോഴും പടിഞ്ഞാട്ട് നോക്കിയിരിക്കുകയും സായിപ്പ് ഉപേക്ഷിക്കുന്നതെല്ലാം ഇവിടെ ഫാഷനാക്കുന്നതും ഒരു ശീലമാണല്ലൊ. എന്നാല്‍ നമ്മുടെ പൈതൃകമായ എഞെങ്കിലും സായിപ്പു എടുത്താല്‍ പിന്നെ സായിപ്പും വിവരമില്ലത്തവാനാണു എന്നു പറഞ്ഞു തുടങ്ങും ചിലര്‍. കലികാലം അല്ലാതെന്തു പറയാന്‍!

    ReplyDelete
  10. ഇത് എനിക്ക് പുതിയ അറിവായിരുന്നു ഇഷ്ടപ്പെട്ടു

    ReplyDelete
  11. LoL Karuthedam. There is a great deal. :)

    ReplyDelete
  12. അവരുടെ ഉത്പന്നങ്ങള്‍ക്ക് US Patent ഉണ്ട്. വേദങ്ങള്‍ അപൌരുഷേയംആണെന്നും ഒരു പ്രത്യേക വിഭാഗത്തിനും അതിന്മേല്‍ യാതൊരു വിധ അവകാശവും ഉണ്ടായിരിക്കാന്‍ പാടില്ല എന്നും ഇവിടെ ശക്തമായി വാദിക്കുന്നത് അമേരിക്കക്കാരന്‍ അല്ല. ആര്യന്മാര്‍ രചിച്ചത് എന്ന് അവന്‍ മനുഷ്യത്വം പറയുമ്പോള്‍ ആകാശത്ത് നിന്നും പൊട്ടി മുളച്ചത് എന്ന് വാദിക്കുന്നത് ആരാണ്? ഇവിടുത്തെ ഹിന്ദു സംഘടനകള്‍ തന്നെ. എന്തിനു? ബ്രാഹ്മണരുടെ പിടിയില്‍നിന്നും തട്ടിത്തെറിപ്പിക്കാന്‍. മറ്റാര്‍ക്കെങ്കിലും അതുപോലെ പിടിക്കാന്‍ ഉദ്ദേശം ഉണ്ടോ? അതില്ല അത് വേണം എങ്കില്‍ തക്കതായ പ്രതിഫലം ഉറപ്പു വരുത്തുന്ന വ്യവസ്ഥ വേണം.

    ഈ മനോഭാവം -ദ്രവ്യവാദം- മുന്‍കൂട്ടി കണ്ടു കൊണ്ടാവും ഓരോന്നും ഓരോരുത്തരെ ഏല്പിച്ചത്. മേല്‍ പറയപ്പെട്ട MC Dowell ഉല്പന്നങ്ങളും അനുബന്ധമായ സുഖഭോഗവസ്തുക്കളും ഇവിടെ ഒരു വിഭാഗത്തിന് മാത്രം ആയി നിഷേധിച്ചിരുന്നു എന്ന ഭാഗം ആരും നോക്കുന്നില്ല.

    ReplyDelete

Movie Rating

Velipadinte Pustam Movie rating