Movie Rating

കൂട്ടബലാല്‍ക്കാരങ്ങളും പെണ്‍കുട്ടികള്‍ക്കെതിരെയുള്ള അതിക്രമങ്ങളും കൂടുന്ന ഈ കാലത്തില്‍ ഇങ്ങനെഒരു സിനിമ പ്രാധാന്യം അര്‍ഹിക്കുന്നു. ഒരു വയസ്സിനും ഇരുപത്തഞ്ചു വയസ്സിനും ഇടയില്‍ പെണ്‍കുട്ടികള്‍ ഉള്ളവര്‍ക്ക് മനസ്സില്‍ എന്നും തീയാണ്. അതിനു കാരണം നമ്മുടെ സമൂഹവും ഭരണകൂടങ്ങളും. രാഷ്ട്രീയത്തിന്റെയും മതത്തിന്റെയും പേര് പറഞ്ഞു എന്തുമാകാം എന്ന അഹങ്കാരം ഇവര്‍ക്ക് വേണ്ടതില്‍ കൂടുതലുണ്ട്. ഇന്ത്യയുടെ തലസ്ഥാനത്തും കേരളത്തിലും സ്ത്രീകള്‍ പ്രത്യോകിച്ചു രാത്രിയില്‍ സുരക്ഷിതരാണോ? സ്വയം ചിന്തിക്കുക.

 മുഖ്യമന്ത്രിയും പ്രധാനമന്ത്രിയും വാഴുന്ന ഡല്‍ഹിയിലെ സ്ഥിതി വളരെ ദയനീയവും. സ്ത്രീകളെ പിടിച്ചു കൊണ്ടുപോയി മാനഭംഗം ചെയ്തു അവരെ ദയനീയമായി പിച്ചി ചീന്തുന്ന രീതി രാക്ഷസന്മാര്‍ പോലും ചെയ്തു കാണില്ല. ഇവരെയൊക്കെ തടയാന്‍ ഭരണകൂടമോ ഇല്ലാത്ത അവസ്ഥയില്‍ 'മാഡി' പോലെയുള്ള പോലീസുകാര്‍ ഉണ്ടാകണം. ദൈവത്തിന്റെ സ്വന്തം നാട് ഇപ്പോള്‍ ഒരുകൂട്ടം കാമ ഭ്രാന്തന്മാരുടെയും തീവ്രവാദികളുടേയും കയ്യില്‍ ആണെന്നു പറഞ്ഞാല്‍ തെറ്റില്ല.

ഡല്‍ഹിയില്‍ പീഡിപ്പിക്കപ്പെട്ട കുട്ടിയുടെ സ്ഥിതി വഷളായി കൊണ്ടിരിക്കുകയാണ്. ഇന്ത്യ ഗെയിറ്റിലും മുഖ്യമന്ത്രിയുടെ വസതിക്കു മുന്‍പിലും ആളുകള്‍ നീതിക്കായി സമരം ചെയ്യുകയാണ്. ഈ അവസ്ഥയില്‍ ഈ സിനിമയുടെ സാമൂഹ്യ പ്രാധാന്യം തള്ളിക്കളയാന്‍ ആവില്ല.

മോഹന്‍ലാലിന്‍റെ അഭിനയം ഒരു ശക്തനായ പോലീസ് ഓഫീസര്‍ പിന്നെ തട്ടിക്കൊണ്ടുപോകപ്പെട്ട പെങ്കുട്ടിയുടെ അച്ഛന്‍ എന്നീ വ്യത്യസ്ത തലങ്ങളില്‍ വളരെ ഗംഭീരം.

0 comments:

Post a Comment